சூப்-ஸ்நாக்ஸ்-ஜூஸ்

ஆரோக்கியம் தரும் முட்டைக்கோஸ் – கேரட் சூப்

தினமும் காய்கறி அல்லது கீரை சூப் குடிப்பது உடல் ஆரோக்கியத்திற்கு மிகவும் நல்லது. அந்த வகையில் இன்று முட்டைக்கோஸ் – கேரட் சூப் செய்வது எப்படி என்று பார்க்கலாம்.

தேவையான பொருட்கள் :

முட்டைகோஸ் – 1/4 கிலோ
வெங்காயம் – 1
இஞ்சி – பூண்டு விழுது – 1/4 டீஸ்பூன்
மிளகு, சீரகப்பொடி – 1/2 டீஸ்பூன்
கேரட் – 1
வெண்ணெய், உப்பு – தேவையான அளவு

செய்முறை :

வெங்காயம், கேரட், முட்டைக்கோஸை பொடியாக நறுக்கி கொள்ளவும்.

குக்கரில் வெண்ணெய் ஊற்றி சூடானதும் அதில் இஞ்சி பூண்டு விழுது போட்டு நன்றாக வதக்கிய பின்னர் வெங்காயத்தை போட்டு வதக்கவும்.

வெங்காயம் நன்றாக வதங்கிய பின்னர் முட்டைக்கோஸ், கேரட்டை சேர்த்து நன்கு வதக்கவும்.

முட்டைக்கோஸ் சிறிது வதங்கிய பின்னர் தேவையான அளவு தண்ணீர் சேர்த்து உப்பு போட்டு வேக விடவும்.

வெந்தவுடன் திறந்து மிளகு, சீரகப் பொடி சேர்த்து பரிமாறவும்.

சத்து நிறைந்த முட்டைக்கோஸ் சூப் ரெடி.



Show More

Related Articles

Leave a Reply

Your email address will not be published.

Close